Wall

With apology to english speaking world, I would like to add one poem (by Gulzar) that suits with this blip (and my present state of mind) in my opinion.

"Kisi mausam ka jhonka tha
Jo is deewar pe latki hui tasveer tirchee kar gaya hai
Gaye saawan mein ye deewarein seeli nahi theen
Na jaane is dafa kyon in mein seelan aa gayi hai
dararein pad gayi hain aur seelan is tarah bahti hai jaise
Khushk rukhsaaron pe geele aansoon chalte hain. ..
hawa ki sans kiyun sehmi hui hai
meri waqif ki thi jab aati thi kamray main
meray seenay main bhar jati thi
jaisay badbaan bhartay hain kishti ke

Ye baarish gungunati thee
isi chat ki munderon pe
ye baarish gungunati thee isi chat ki munderon pe
ye ghar ki khidkiyon ke kaanch par
ungli se likh jaati thee sandese
bilakhti rahti hai baithi hui
ab band roshandanon ke peetche
Dophaharein aisi lagti hain
bina mohron ke khali khane rakhhein hain
na koi khelne waala hai baazi
aur na koi chaal chalta hai
Na din hota hai na ab raat hoti hai
sabhi kuch ruk gayaa hai
wo kya mausam ka jhonka thaa
jo is deewar pe latki hui tasveer tirchee kar gaya hai"